Category: समाचार

पाल्पा । भरुवा बन्दुकको छर्रा लागेर निस्दी गाउँपालिका–४, मित्याल गाङसिङ्डाँडा बस्ने ४८ वर्षीय डम्मरबहादुर सारुको निधन भएको छ । प्रहरीका अनुसार आफैंले बोकेको भरुवा बन्दुकको छर्रा लागेर सारुको मृत्यु भएको हो । गएराति भरुवा बन्दुक बोकेर फापर बारीमा आएको दुम्सी मार्न जाने क्रममा चिप्लिएर लड्दा बन्दुक पड्केको र त्यसपछि पड्केको छर्राका कारण उनी गम्भीर घाइते भएका हुन् । तत्काल उपचारार्थ रामपुर अस्पताल पुर्याइएकोमा सारुको आज बिहान मृत्यु भएको हो । इलाका प्रहरी कार्यालय, रामपुरबाट खटिएको टोलीले घटनास्थलबाट एकनाले भरुवा बन्दुक र झोला फेला पारेको छ । बिसौनीbisouni.com

चितवनको खैरहनीमा मानिसको खप्पर र हड्डी फेला परेको छ । नवकंकाली टोल कयरखोलाको बगरमा टाउकोको खप्पर र शरीरका विभिन्न भागको हड्डी फेला परेको बताइन्छ । स्थानीय महिलाले घाँस काट्न जाने क्रममा खप्पर देखेपछि प्रहरीलाई खबर गरिएको थियो । प्रहरीेले मुचुल्का गरेर प्रारम्भिक अनुसन्धान थालेको जानकारी दिएको छ । बिसौनीbisouni.com

चौतारा । चौतारा साँगाचोकगढी वडा न ५ छापका स्थानीयका लागि न्यानो सामाग्री वितरण गरिएको छ । छापका एक सय घरधुरीलाई ब्ल्याङकेट वितरण गरिएको हो । समाजसेवी मनोज श्रेष्ठको विशेष समन्वयमा विदेशी नागरिकहरुले आपाङ्गता, एकल महिला र जेष्ठ नागरिकहरुलाई प्राथमिकतामा राखेर ब्ल्याङकेट वितरण गरेको स्थानीय कल्पना श्रेष्ठले जानकारी दिनुभयो । चौतारा साँगाचोकगढी नगरपालिका वडा न ५ का वडा सदस्य कोमलबहादुर श्रेष्ठको अध्यक्षतामा ब्ल्याङकेट वितरण कार्यक्रम भएको थियो । कम्बल पाएपछि स्थानीय जेष्ठ नागरिक, एकल महिला र अपाङ्गता भएकाहरु खुशी भएका छन् । बिसौनीbisouni.com

मोनिका बिक / चौतारा ७५औं अन्तर्राष्ट्रिय मानव अधिकार दिवसको अवसरमा चौतारामा प्रभात फेरि कार्यक्रमको आयोजना गरिएको छ चौतारा साँगाचोकगढी नगरपालिकाको आयोजनामा आज बिहान भिन्तुना चोकदेखि टुडिखेल चोकसम्म प्रभात फेरि कार्यक्रम भएको हो। संक्षिप्त कोण सभामा परिणत भएको कार्यक्रमलाई सम्बोधन गर्दै नगरपालिकाका मेयर कृष्णप्रसाद सापकोटाले मानव अधिकारका लागि सरकारले जति संवेदनशील, गम्भीर हुँदै जिम्मेवारपूर्ण दायित्व निर्वाह गर्छ त्यतिकै जिम्मेवारपूर्ण दायित्व नागरिकले पनि निर्वाह गर्नुपर्ने तर्फ औल्याउनु भयो । नागरिकले पनि आफ्नो अधिकार प्रयोग गरिरहँदा अरुको अधिकार हनन नहुने गरी आफ्नो कर्तव्य निर्वाह मात्र गरेमा पनि मानव अधिकार हननका घटनाहरु न्यूनीकरण हुने…