हेलम्बु पदयात्रा २०७९ मंसिर २८ देखि पुस २ गतेसम्म सिन्धुपाल्चोकको हेलम्बु क्षेत्रमा पदयात्रा गरिएको थियो। पदयात्राको क्लाइमेक्स विन्दु थियो–आमा याङ्ग्री। चारैतिर झलमल्ल खुलेका हिमाल। हातैले छोइएला जस्तै! तल सेताम्मे बादलको तलाउ। पूर्वमा भर्खर उदाउँदै गरेको सूर्यको सुनौला किरण। नजिकै फराकिलो चउर। अनि चउरमा फर्फराईरहेका रंगीन लुङ्दारहरू। बीचमा चार तले गुम्बा। अनि हिमाल र पवित्र लुङ्दारलाई छोएर आएको चिसो हावा। सबैले भन्छन्–धर्म गरे स्वर्ग, पाप गरे नर्क। मरेपछि पुगिने स्वर्ग कस्तो हुन्छ कसैलाई थाहा छैन। आमा याङ्ग्री पिक (३,७७५ मिटर)मा पुग्दा लाग्यो, ‘स्वर्ग यस्तै हुन्छ कि!’ हिमालको काखमा, बादलुको तलाउ माथि,…
आमा याङ्ग्री मुस्कुराउँदा…
