चौसागढी नगरपालिका वडा न ७ बन्यो जिल्लाकै तेस्रो बालमैत्री वडा
निर्मल बस्नेत
२९ भाद्र, चौतारा । सिन्धुपाल्चोक जिल्ला चौतारा साँगाचोकगढी नगरपालिका वडा नम्बर ७ लाई बालमैत्री वडा घोषणा गरिएको छ ।
६० औ बालदिवशको अवसरमा वडाले ५१ वटा सुचकहरु पुरा गरि वालमैत्री वडा घोषणा गर्न सफल भएको हो ।
वालमैत्री वडा घोषणाको लागि बाल बचाउ, वाल संरक्षण, बाल विकास , वाल सहभागिता र संस्थागत बिकास गरि ६ वटा समूहको ५१ वटा सुचकमा अंकभार १ सयलाई आधार बनाएको वडा सचिव सरुपसिं तामाङले जानकारी गराए ।
बालमैत्री वडा घोषणाको प्रतिबद्धता पत्रमा नगरप्रमुख, उपप्रमुख लगायत सवैले हस्ताक्षर गरेका छन् । वडाको कुल ९ सय ५४ घरधुरीका १३ सय ८३ जना वालवालिका रहेका छन् ।
वडाको सिद्धिगणेश मावि, ज्ञानमन्दिर नमुना मावि, कल्लेरी आवि र नवज्योति वालबिकास केन्द्रमा गरि जम्मा ८ सय ७१ जना बिद्यार्थीहरु अध्ययनरत रहेका छन् ।
नगरभित्रका विविध कारणले समस्यामा परेका बालवालिकाहरुलाई शिक्षाको वातावरणबाट टाढा हुन नदिन स्थापना गरेको शहीद स्मृति वालग्राम पनि सोही वडाको दरवारडाँडामा रहेको छ । उक्त वालग्राममा २० जना बालबालिका आवाससहित ज्ञानमन्दिर नमुना माविमा अध्ययन गर्दै आइरहेका छन् ।
यसभन्दा अगावै वडा नम्बर १३ ठुलोसिरुवारी बालमैत्री वडा घोषित भईसकेको छ । उक्त वडा सिन्धुपाल्चोक जिल्लामा पहिलो बन्न सफल भएको थियो ।
मेलम्ची नगरपालिका वडा नम्बर ८ ले यस अघि नै घोषणा गरसकेको छ । र, उसले दोस्रो स्थान र चौतारा सागाचोकगढी नगरपालिका वडा नम्बर ७ अव जिल्ला मै तेस्रो बनेको छ ।
नगरप्रमुख कृष्णप्रसाद सापकोटाले वडालाई बालमैत्री वडा घोषणा गरेका हुन् । उक्त कार्यक्रममा बोल्दै सापकोटाले वालमैत्री वातावरण तयार गर्न खटिने सवैलाई धन्यवाद व्यक्त गरे । उनले भने “नगरलाई समृद्ध बनाउने बिभिन्न आयमहरु मध्ये एक वालमैत्री अवस्था पनि हो ।” सापकोटाले आगामी दिनमा यसको प्रभावकारी कार्यन्वयनको लागि सवैको दायित्व रहने बताए ।
उपप्रमुख सीता थापाले नगरको मूल मर्मलाई आत्मसाथ गर्न वडा नम्बर ७ ले सघाएको बताइन् । आगामी दिनहरुमा कुनै खालको वालअधिकार हनन हुने क्रियाकलाप हुन नदिन सवै सरोकारवाला पक्ष लागि पर्नुपर्ने बताइन् ।
समारोहमा बिभिन्न क्षेत्रका बौद्धिक तथा सामाजिक व्यक्तिहरुले सफलताको शुभकामना व्यक्त गरेका थिए । वडाले प्रकाशनमा ल्याएको वालवालिका स्थिति २०८१ को नगरप्रमुख र उपप्रमुखको हातबाट सार्वजनिक गरिएको थियो ।
उक्त संगालोको बारेमा वालमैत्री वडा घोषणा सहजिकरण उपसमितिका संयोजक राजकुमार यादवले प्रष्ट्याएका थिए ।
वडाको अभियानमा सहयोग गर्नेहरु शिक्षा, स्वास्थ्य, वन , खानेपानी लगायतका सवै क्षेत्रमा कृयाशिलहरुलाई सम्मान पत्र प्रदान गरिएको थियो ।
कार्यक्रममा हास्यकलाकार घनश्याम तिमल्सीनाको हाँस्यव्यङ्ग्य प्रस्तुती, स्थानीय नेवारी धिमेवाजा, बिद्यार्थीहरुको गीत तथा नृत्यको प्रस्तुतीले कार्यक्रमलाई मनोरञ्जन प्रदान गरि थप प्रभावकारी बनाएको थियो । साथै साहित्यकार बिनोद श्रेष्ठको कबिता बाचनले सवैलाई मुग्ध बनाएको थियो ।
समारोहमा नगर सल्लाहकार चन्द्र सापकोटा, सामाजिक शाखा संयोजक रामप्रसाद गौतम, वडा नम्बर ९ का अध्यक्ष बिमल श्रेष्ठ, १० नम्बरका वडाध्यक्ष निल बहादुर तामाङ, १२ का दीपेन्द्र नेपाल र वडाभित्रका वालवालिकाहरुको साथमा बिभिन्न बिद्यालय, वन, स्वास्थ्य, खानेपानी, महिला समूह, आमा समूह, सहकारीका जिम्मेवार व्यक्तिहरु, वालअधिकार अभियान्ता, सञ्चारकर्मी तथा वडाबासीहरुको उल्लेख्य सहभागिता रहेको थियो ।
सिद्धिगणेश माध्यमिक बिद्यालयका शिक्षक तिलक दंगालको उद्घोषणमा भएको आकर्षक कार्यक्रमको सभाध्यक्ष वडाध्यक्ष डम्मर बहादुर तामाङले गरेका थिए । कार्यक्रममा आमन्त्रीत अतिथिहरुलाई वडाअध्यक्ष तामाङले वडाको पर्यटकीय स्थल, भुतछाँगा, भदौरे गणेश र पालेथुम्केडाँडामा निर्मीत बाघको चित्राङ्कित मायाको चिनो प्रदान गरेका थिए ।
