मेलम्ची ।क्रिकेट खेलको बिकाससंगै सम्भावना युक्त खेलाडी उत्पादन गर्ने उदेश्यले पहिलो पटक सिन्धुपाल्चोक क्रिकेट संघको तदर्थ समिति गठन भएको छ । सिन्धुपाल्चोकको मेलम्चीमा शनिबार सम्पन्न भेलाले बिजय कुमार धितालको अध्यक्षतामा एघार सदस्यीय तदर्थ समिति गठन गरेको हो ।
समितिको उपाध्यक्ष राजन धिताल, सचिब अजय कुमार धिताल, कोषाध्यक्ष राजु सापकोटा, सदस्यहरुमा विजेश श्रेष्ठ, प्रकाश सापकोटा, रुद्रशरण श्रेष्ठ, दिलिप लामा, सागर खड्का, सन्तोष चौलागाई, अनिल कुमार धिताल रहेका छन् । कार्यक्रममा स्थानीय वडाका जनप्रतिनिधी तथा समाजसेवीको समेत उपस्थिती रहेको थियो
तदर्थ समितिको भेलालाई सम्बोधन गर्दे मेलम्ची नगरपालिकाका प्रमुख आइतमान तामाङले पछिल्लो समय क्रिकेटले पाइरहेको सफलताले देशले गर्व गर्ने वातावरण बनेको बताउनुभयो । क्रिकेट खेललाई प्रोत्साहन गर्न आगामि दिनहरुमा उपयुक्त मैदान निर्माण गरेर प्रतियोगिता आयोजना गर्न तथा क्रिकेट खेलको बिकासको लागि सहकार्य गर्ने उहाँले बताउनुभयो ।
यस्तै क्रिकेट खेललाई सिन्धुपाल्चोकमा स्थापित गर्न सुरुवात देखिनै सहयोग गर्दै आउनुभएका पाँचपोखरी थाङपाल गाउँपालिकाका अध्यक्ष टासि लामाले नव गठित तदर्थ समितिलाई बधाई दिदै क्रिकेट खेलको विकास संगै खेल मैदान निर्माणमा आबश्यक पहल र सहकार्य गर्न तत्पर रहेको जानकारी दिनुभयो ।
उहाँले सिन्धुपाल्चोक क्रिकेट संघले जिल्लामा क्रिकेट खेललाई स्थापित गरेर देशले गर्व गर्ने खेलाडीहरु उत्पादन गर्न महत्पूर्ण भुमिका खेल्नेमा बिश्वास व्यक्त गर्नुभयो । साथै क्रिकेट खेलको बिकासको लागि निरन्तर सहयोग गर्ने समेत प्रतिबद्धता व्यक्त गर्नुभयो ।
नव गठित तदर्थ समितिका अध्यक्ष बिजय कुमार धितालले सिन्धुपाल्चोक क्रिकेट संघको तदर्थ समिति गठन पश्चात क्रिकेट खेललाई आधिकारीक रुपमा जिल्लामा स्थापित गर्न गोरेटो बाटो निर्माणको सुरुवात भएको बताउनुभयो । ।
