४ साउन, चौतारा । तातोपानी नाकाबाट भन्सार छलेर अवैध रुपमा सामान निकासी गदै गरेको २ जना मानिषलाई प्रहरीले पक्राउ गरेको छ ।
कोदारी चौकीको प्रहरीले बिषेस सुचनाको आधारमा भोटेकोशी गाउँपालिका २ स्थित ९ किलोमा चेकजाँच गर्नेक्रममा उक्त व्यक्तिहरुको साथबाट सामान बरामद गरेको प्रहरीले जनाएको छ ।
पक्राउ पर्नेमा भोटेकोशी ३ का पेमदोर्जे शेर्पा र बाह्रबिसे ७ घर भई भोटेकोशी २ बस्ने राजु थापा रहेका छन् । उनिहरुको साथबाट बरामद गरिएको सामग्रीसहित तातोपानी भन्सार कार्यालयमा आवश्यक कारवाहीको लागि पठाएको जिल्ला प्रहरी कार्यालय सिन्धुपाल्चोकका प्रहरी नायव उपरिक्षक निरञ्जन भट्टराईले जानकारी दिएका छन् ।
सिन्धुपाल्चोक उद्योग बाणिज्य संघमा पत्राचार गरि एकीन मूल्य खुलाई माग गर्दा आईफोन १३ प्रोम्याक्स मोबाईल २१ थान र मोबाईलको व्याट्री ६ थान गरि ४० लाख ३४ हजार ७ सय बराबरको सामान बरामद भएको प्रहरीको भनाई छ ।
