चौतारा । चौतारा साँगाचोकगढी नगरपालिका वडा न ५ स्थित श्री बालकल्याण आधारभूत विद्यालयलाई सोही विद्यालयकी पूर्व शिक्षक रुकमणि श्रेष्ठले शैक्षिक सामाग्री सहयोग गर्नु भएको छ ।
रोचक ह्यान्डीक्रयाप्ट काठमाण्डौंकी सञ्चालक समेत रहेकी पूर्व शिक्षक श्रेष्ठबाट बिद्यार्थीहरुलाइ झोला तथा स्टेशनरी सामाग्री सहयोग गर्नु भएको हो ।
आइतबार पूर्व शिक्षक श्रेष्ठले एक कार्यक्रमबीच उक्त सामाग्री विद्यालय व्यवस्थापन समितिका अध्यक्ष राजेश श्रेष्ठलाई हस्तान्तरण गर्नुभएको विद्यालयले जनाएको छ ।
सो अवसरमा शिक्षिका श्रेष्ठले आफ्ना बुबाको प्रेरणाले समाजसेवामा लागेको बताउँदै आगामी दिनमा पनि निरन्तर सहयोग उपलव्ध गराउने प्रतिवद्धता जाहेर गरिन् ।
कार्यक्रममा प्रधानाध्यापक गायत्री पालिखेले श्रेष्ठको शैक्षिक र सामाजिक योगदानको चर्चा गर्दै धन्यवाद ज्ञापन गर्नु भएको थियो ।
