सिन्धुपाल्चोक । सिन्धुपाल्चोक जिल्लामा बेसबल तथा सफ्टबल संघ गठन भएको छ ।
प्रमोद लामाको अध्यक्षतामा जिल्ला बेशबल तथा सफ्टबल संघ गठन भएको हो ।
जिल्लालाई बेसबल तथा सफ्टबलका मार्फत पनि चिनारी बनाउने उद्देश्यका साथ गठित बेसबल तथा सफ्टबल संघको उपाध्यक्षमा राजेन्द्र गदाल र इसान क्रान्ति घिमिरे रहेका छन् भने सचिवमा दिपक योञ्जन र कोषाध्यक्षमा अञ्जना दुलाल रहेका छन् ।
त्यस्तै संघको सदस्यमा विक्रम लामा, सन्तोष खड्का, भीम बहादुर तामाङ, कुसुम लामा, सन्तोष सापकोटा र रोसन ढुंगाना चयन भएका छन् । केन्द्रीय प्रतिनिधिमा प्रबोद लामा र प्रदेश प्रतिनिधिमा राजेन्द्र गदाल चयन भएका छन् ।
जिल्ला खेलकूद विकास समिति सिन्धुपाल्चोकका अध्यक्ष सुरेश रानामगरको प्रमुख आतिथ्यतामा भएको भेलाले जिल्लामा वेसबल र सफ्टबलको विकास र क्षमता अभिवृद्धिका लागि विभिन्न कार्य गर्ने जनाएको छ ।
