प्रष्टवक्ता रमेश प्रसाईँ चौतारा आउदै
धाराप्रवाह रुपमा राज्यका वेथिती र विसंगतीका विरुद्ध बुलन्द आवाज उठाउदै जनतालाई सुसुचित गराउदै आएका प्रष्टवक्ता रमेश प्रसाईँ चौतारा आउने भएका छन् । राष्ट्रिय स्वतन्त्र पार्टीका केन्द्रिय सदस्य समेत रहेका प्रसाईँ पार्टीको चौतारा साँगाचोकगढी नगरपालिका भेलालाई सम्बोधन गर्न शनिबार चौतारा आउने भएका हुन् ।
उनीसँगै रास्वपा केन्द्रिय सदस्य ढाकाराम अर्याल, केन्द्रिय संगठक विभागका सचिव शंकर श्रेष्ठ, बागमती प्रदेश समितिका अध्यक्ष डा. अच्युतम लामिछाने लगायतका नेताहरुले भेलालाई सम्बोधन गर्ने पार्टीकी जिल्ला संयोजक माया गुरुङले बताइन् ।
चैत ४ गते निर्माण व्यवसायी संघ, चौताराको सभाहलमा हुने भेलाले पार्टीको नगर समिति चयन गर्ने र वडा समितिहरु गठनका लागि समेत संयोजकहरु चयन गर्ने उनले बताइन् ।
रास्वपा नगर भेलामा रमेश प्रसाईँद्वारा सम्बोधन हुने
