भोलिबाट दोश्रो जुगल भलिबल कप सुरु हुने ।
चौतारा । भोलि बिहीबारबाट दोस्रो जुगल नगर मावि स्तरीय भलिबल प्रतियोगिता सुरु हुने भएको छ ।
सदरमुकाम चौतारास्थित जुगल बोर्डिङ हाइस्कूलको ३३ औं बार्षिकोत्सवको उपलक्ष्यमा आयोजित सो प्रतियोगितामा ६ टीमको सहभागिता रहने प्रीन्सिपल ओमप्रकाश उप्रेतिले जानकारी दिनु भयो ।
प्रीन्सिपल उप्रेतिका अनुसार प्रथम, दितिय र तृतीयलाई क्रमश : ट्रफी, मेडल र नगद ७०००, ५००० र ३००० हजार पुरस्कारको ब्यबस्था गरिएको छ ।
जुगल बोर्डिङ हाइस्कूलको प्राङ्गणमा हुने सो प्रतियोगितामा श्री कृष्ण रत्नगंगा मावि, चौतारा, सिद्धि गणेश मावि, सानोसिरुवारी, सेतीदेवि मावि स्याउले, इर्खु मावि, इर्खु, कालीदेवि मावि देउराली र आयोजक बोर्डिङ स्कूलबीच प्रतिस्पर्धा हुने छ ।
प्रतियोगिता २ दिन सम्म चल्ने स्कूलले जनाएको छ ।
प्रतियोगितामा कक्षा १० सम्म अध्ययनरत विधार्थीले मात्र सहभागी बन्न पाउने छ ।
जुगल कप भलिबल प्रतियोगिता भोलिबाट
