पोखरेमा कार दुर्घटना हुँदा चारजना घाईते
चौतारा । काठमाण्डौंबाट चौतारातर्फ आउँदै गरेको बा २ च ५६७७ नम्बरको कार दुर्घटना हुँदा चालकसहित कारमा सवार चारजना घाइते भएका छन् ।
शनिबार बन्देउ चौतारा सडकखण्डको पोखरे भन्ने ठाउँमा कार दुर्घटनाग्रस्त हुँदा कारमा सवार सिन्धुपाल्चोक इन्द्रावती गाउँपालिका २ का ४२ बर्षिय बसन्त गिरी, ३१ वर्षिया प्रतिमा गिरी, दोलखा जिल्ला भीमेश्वर नगरपालिका वडा न २ बस्ने २८ वर्षिय चालक सोनामा तामाङ र २२ बर्षिय राजेश तामाङ घाईते भएको सिन्धुपाल्चोक प्रहरीले जनाएको छ । घाइते मध्य चालक सोनाम तामाङ र राजेश तामाङको अवस्था गम्भीर भएको डिएसपी शिवकुमार बुढाथाकीले जानकारी दिनु भयो । घाईते सबैलाई उचारका लागि काभ्रेस्थित धुलिखेल अस्पतालमा पठाइएको छ ।
प्रहरीका अनुसार अनियन्त्रित भएर कार सडकबाट झण्डै १५० मिटर तल खसेको थियो ।
पोखरेमा कार दुर्घटना हुँदा चारजना घाईते
