टेबल टेनिस प्रतियोगितामा महिलातर्फ कल्पना र अनिशा भेट्रान्सतर्फ रामहादुर र विकाश फाइनलमा
चौतारा । चौतारामा जारी टेबल टेनिस प्रतियोगिता अन्तर्गत आज भएको खेलमा विकाश श्रेष्ठ र रामबहादुर घले फाइनलमा प्रवेश गरेको छ ।
श्रेष्ठले सुर्यबहदुर श्रेष्ठ र घलेले दिवाकर मास्केलाई सेमिफाइनलमा हराउँदै फाइनलमा प्रवेश गरेको हो ।
त्यस्तै महिलातर्फ कल्पना कार्की र अनिशा पौडेल सेमिफाइनलमा प्रवेश गरेका छन् । कल्पना कार्कीले अखिला पौडेल र अनिशा पौडेलले सीता कार्कीलाई हराउँदै सेमिफाइनलमा प्रवेश गरेका हुन् ।
आजै भएको महिलातर्फ सीता कार्की तृतीय र भेट्रान्सतर्फ दिवाकर मास्के तृतीय भएको आयोजक जिल्ला टेबल टेनिस संघले जनाएको छ ।
खेल अन्तर्गतको डवल र सिङगल जारी रहेको र सबै विधाको फाइनल आजै दिउँसो ३ बजेबाट हुनेछ ।
