डिजिटल पत्रकारिता तालिम सुरु
सिन्धुपाल्चोक । नेपाल पत्रकार महासंघ सिन्धुपाल्चोकको आयोजनामा दुईदिने डिजिटल पत्रमकारिता तथा क्षमता अभिवृद्धि तालिम सुरु भएको छ ।
पछिल्ला समय अनलाईन पत्रकारिताको प्रभाव बढ्दै गएपछि डिजिटल पत्रकारितामा सञ्चारकर्मीहरुलाई सक्षम बनाउने उदेश्यले शुक्रबारबाट डिजटल पत्रकारिता।सञ्चालन भएको हो ।
तालिमको उद्घाटन गर्दै चौतारा साँगाचोकगढी नगरपालिकाका मेयर कृष्णप्रसाद सापकोटाले समयसापेक्ष पत्रकारिताको स्वरुपमा परिवर्तन भएसँगै पत्रकारको क्षमतमा पनि अभिवृद्धि हुनुपर्ने बताउनुभयो ।
कार्यक्रममा बागमति प्रदेश सञ्चार रजिष्टार रेवती सापकोटा, नेपाल पत्रकार महासंघ केन्द्रीय सदस्य बविन सापकोटा र नेपाल पत्रकार महासंघ, दोलखाका अध्यक्ष दीपशंकर चौलागाईले शुभकामनासहित आआफ्ना धारणा राख्नु भएको थियो ।
सचिव विदुर आचार्य सञ्चालन गरेको कार्यक्रम उपाध्यक्ष दिनेश थापाले स्वागत तथा अध्यक्ष जीवन श्रेष्ठको सभापतित्वमा कार्यक्रम भएको थियो ।
जिल्लामा क्रियाशिल संचारकर्मीहरुको सहभागिता रहेको कार्यक्रम शनिबारसम्म सञ्चालन हुनेछ ।
डिजिटल पत्रकारिता तालिम सुरु
