नगरस्तरिय फूटबल प्रतियोगिताको पहिलो खेलमा ज्ञानमन्दिरलाई सफलता
चौतारा । आजबाट सुरु भएको दोस्रो चौतारा स्पोर्टिङ क्लब नगरस्तरिय मावि सेभेन ए साइड फूटवल प्रतियोगिताको पहिलो खेलमा ज्ञानमन्दिर नमूना माध्यमिक विद्यालय विजयी भएको छ ।
ज्ञानमन्दिर मावि र कालिदेवी मावि कदमबासबीच भएको पहिलो खेलमा ४ गोलसहित ज्ञानमन्दिर विजयी भएको हो । कालीदेवीले भने कुनै गोल गर्न सकेन ।
चौताराको टँुडिखेलमा २० गतेसम्म सञ्चालन हुने यो प्रतियोगितामा १४ वटा माविको सहभागिता रहेको छ ।
प्रतियोगिताको चौतारा साँगाचोकगढी नगरपालिकाका मेयर कृष्णप्रसाद सापकोटाले उद्घाटन गर्नुभएको थियो । सो अवसरमा उहाँले बढ्दो खेलकुद गतिविधिसँगै चौतारा साँगाचोकगढी नगरपालिकाका खेलाडीहरुले एकपछि अर्को सफलता हासिल गरेर नगरको शीर उच्च राख्नाका साथै नगरबासीलाई गौरावान्वित तुल्याएको बताउनुभयोे ।
क्लबका अध्यक्ष सविन श्रेष्ठको अध्यक्षतामा भएको कार्यक्रमको सचिव राकेश राना र स्वागत अमृतमान श्रेष्ठले गर्नुभएको थियो ।
प्रतियोगितामा प्रथम हुने टिमलाई ३० हजार, द्धितीय हुनेलाई २० हजार नगदसहित शिल्ड, ट्रफी र मेडलको व्यवस्था गरिएको छ ।
नगरस्तरिय फूटबल प्रतियोगिताको पहिलो खेलमा ज्ञानमन्दिरलाई सफलता
