सिन्धुपाल्चोक, बाह्रबीसे वडा न ७ घुम्थाङमा गएको पहिरोमा परि ३ जनाको मृत्यु भएको छ । पहिरोमा पुरिएको ५ जनाको सकुशल उद्धार गरिएको छ । भीरखर्कमा पहिरोले पुरिएको ठाउँमा २२ वर्षिया जुनु विक र ४० वर्षिया सर्कीनी प्रधानको शव फेला परेको जिल्ला प्रहरी कार्यालय, सिन्धुपाल्चोकले जनाएको हो । नागपुजेमा ७ घर पुरिँदा ६० वर्षिय भक्तिमाया श्रेष्ठको शब फेला परेको छ ।
नाकपुजे पहिरोमा परि १६ जना बेपत्ता भएका छन् भने भीरखर्कको पहिरोमा ६ जना बेपत्ता रहेको डिएसपी प्रकाश सापकोटाले जानकारी दिनुभयो । बेपत्ता र घाइतेहरुको उद्धार र खोजी कार्यमा स्थानीय र प्रहरी खटिएको बाह्रविसे नगरपालिकाका प्रमुख निमफुञ्जो शेर्पाले जानकारी दिनुभयो ।
सिन्धुपाल्चोक पहिरोमा अपडेटः ३ को शब फेला, ५ जनाको जिवितै उद्धार
